178cm索模︱奚夢瑤做大肚瑜伽再標高：上次高2cm

賭王四房公子何猷君嘅名模太太奚夢瑤，最近因為專心養胎而未有外出工作，今次佢為二胎做好準備，多次上載社交網去同大家分享佗B心得，最新一篇發文就同大家Share大肚瑜伽嘅好處，天生骨格精奇嘅佢，就自爆上一個孕期瞓足一年 結果直接肥咗35斤（約46磅），到達了人生巔峰，然後仲未有喺巔峰落番嚟。

今次佢就做足功課，佢開始練瑜伽，除增加運動量、學習呼吸法以外，佢話個人酸痛減少，肌肉同關節都鬆晒，不過最厲害都係佢竟然練完有「長高的作用」：「上一個孕期因為堅持練習，我在最後2個月長高了2cm，這次到中期就已經長高了。（雖然我並不想再長高了哈）長高小秘訣！」真係令人嘖嘖稱奇。

咁數學題就嚟喇：原本奚夢瑤官方身高有178cm，上次懷孕高咗2cm，今次佢去到懷孕中期已經開始長高，到底奚夢瑤到BB出世後，身高會飆到幾高呢？