為何詩蓓打氣尖叫 楊思琦培養囡囡做飛魚?

20210730
東網電視
更多新聞短片
藝人楊思琦、黃婉曼在銅鑼灣街頭出席網購平台活動,兩位媽媽指有小朋友後愛上了網購,楊思琦覺得網購相當方便,可以慳番不少時間。問到最貴的網購是甚麼?她說:「都係買餸、買日常用品,最貴都係買千幾蚊,已經夠屋企兩個禮拜用。」講到奧運,她表示今早與一對仔女齊齊為香港泳手何詩蓓打氣,一家人睇到尖叫,問到女兒可會渴望成為「飛魚」?她說:「咁又冇,佢學游水都係用嚟有咩事求生。」
黃婉曼稱身為媽媽,在疫情下往往會擔心小朋友沒有東西吃,會為屋企儲糧,雪櫃裝滿食物。她又講到昨日(29日)帶女兒到主題公園:「同佢去主題公園慶祝生日之後,今日我出門口佢已經冇喊,話媽咪要去工作賺錢,先可以帶我去主題公園玩,開始懂事。」