傳與「頭皮」吳卓衡拍拖　A0郭柏妍出Pool？

現年23歲、港姐季軍郭柏妍曾在參選期間透露沒有任何戀愛經驗，純過白紙。不過，日前有指她原來已經有「愛的突破」，與《愛．回家之開心速遞》中飾演「頭皮」的吳卓衡「暗撻」逾大半年，並拍到兩人出席完活動後，先避忌的分開坐巴士，之後再「合體」搭的士。

東網就此事致電吳卓衡，他否認拍拖，但都多次承認兩人確是好朋友：「我哋係好朋友關係，之前聽啲前輩講，做藝人一定要有多張刀，張張利，所以我乜嘢都想學，佢都係，之前去報演技班、跟Sunny Wong學跳舞，都咁啱喺出面撞到佢，依家佢又開始拍劇，會有好多問題，我哋都有互相提點，公司好多同事都有互相幫助，總之，一切以事業為重。」否認拍拖，即係郭柏妍繼續「戀愛交叉」，未有拖拍，仲係「A0」即是未拍過拖同埋單身！