組合SENZA開騷　嘉賓農夫推介消費券點用

無伴奏合唱組合SENZA A Cappella（SENZA）在九展一連兩晚開騷，首場邀得組合農夫陸永和C君做嘉賓，SENZA 5位成員介紹農夫出場後，就返回後台換衫，剩下農夫2人在台上自由發揮，農夫搞笑地叫凍也要求換衫，於是就在台上穿外套，笑說：「我做觀眾都會換衫㗎！」C君問陸永：「我哋唱咩？」陸永說：「唱散紙」雖然無厘頭，但觀眾十分受落，由於SENZA亦未出場，C君就提議大家一齊睇ViuTV播奧運片段，見螢幕冇得睇，索性拿出手機看，期間有人大叫：「評述吖！」C君就說跳彈床好難評述。

農夫期間宣布明年開騷的好消息：「大家就快收到消費券，可以點用？可以畀我，因為農夫下年開演唱會，可先預繳。」終於等到SENZA出場，一起合唱農夫的《愛似林一峰》，原來SENZA曾演出農夫的世界巡迴演唱會，陸永笑言「巡迴係旺角和銅鑼灣一帶，我哋嘅世界好狹窄。」C君即場答應開騷會請SENZA：「只請你哋，我哋2個唔去。」引來笑聲四起。