鄭伊健Yoyo激罕同框　古巨基孖太太賀關心妍生日

今日是（31日）是關心妍（Jade）的生日，昨晚竟然有兩大男神鄭伊健、古巨基為她慶祝，最驚喜伊健同基仔仲攜眷到賀，已甚少公開露面的蒙嘉慧（Yoyo）激罕同老公合體，見她紅粉緋緋，應該是開心飲了兩杯，而基仔同老婆Lorraine也難得現身，因為自從兒子Kuson出世後，佢兩公婆幾乎絕迹朋友的飯局，今次竟然會放低囝囝出來聚會，都算畀足面壽星女，穿上桃色露肩裝的Jade扮得靚靚，同場還有鄭欣宜、蔡一智夫婦，Jade在社交網留言：「感謝老公同好友們一齊安排呢個生日飯驚喜，好開心好意外。」圈中好友鍾舒漫、楊秀惠、黃劍文等都有留言送上祝福。