響應奧運全民運動　關嘉敏Odi友誼波大戰3男

跳唱歌手關嘉敏（Carman）在奧運期間響應全民運動，約埋老友Odi（陳善渝）、李日朗、張彥博及《全民造星》出身的鄧禮迪（阿迪）一齊打番場友誼波，Odi指阿迪打波最勁：「佢高大靚仔射波又準，我好耐冇打波喇，最近先同天堂鳥嘅Gordon、同事打番，因為拍完《盛．舞者》多番啲時間，希望可以keep住團火，一齊認真打場波其實好熱血，好開心㗎。」

Carman就自認不多識打籃球，她說：「好似同呢項運動冇乜緣份，只係平時會落球場射吓波咁囉。」她透露快要拍攝新劇，所以希望可以同大家打波做運動，當訓練自己，她笑說：「希望大家唔好嫌棄我呢個BB班啦。」被形容為超級童顏的張彥博，問到其「凍齡」秘訣，他笑說：「我真係無特別去保養，可能我個人鍾意做運動啩。」剛在內地拍完電視劇返港的李日朗表示可以小休一下，正好可以睇奧運的比賽項目。