迪麗熱巴新劇6日收6億播放量　緊接播古裝劇乘勝追擊

內地女星迪麗熱巴最近同男神楊洋主演嘅新劇《你是我的榮耀》走勢旺，連日都見到二人輪流上熱搜，網友亦非常睇好佢兩個做「真．情侶」，呼聲高收視自然好，今次新劇贏得精彩，播出6日就已經拎咗6億播放量，真係可喜可賀。

曾自爆成年冇劇拍嘅迪麗熱巴，最近繼續有料嚟，嚟緊仲有一部同樣係由佢主演嘅古裝劇《與君初相識》亦會接住播出街，仲搵嚟奧運金牌陳夢嘅好友任嘉倫做男主角，頭威有晒，唔知到時會唔會又成為新焦點呢？