李亞男嘟嘴錫細女　網民：囡囡神情似爸爸！

藝人李亞男同王祖藍婚後生個兩個女兒，上年底細女出世之後，李亞男一直專心喺屋企湊女，仲不時一家四口去玩，享盡天倫樂！

佢經常都喺社交網晒兩個女兒嘅可愛照片，同網友分享日常生活點滴，佢呢日就晒咗張抱住細女影嘅合照，佢仲嘟嘴錫囡囡肥嘟嘟嘅面珠，母愛氾濫，Ｗarm到爆！唔少網民留言大讚細女好得意，仲話畀佢兩母女咁溫馨場面完全融化啦，但係就有網友話細女個表情好似愈來愈似爸爸祖藍。