有入冇出︱28位港姐玩Staycation　淘汰淨番20強

港姐真人騷《We Miss Hong Kong STAY-cation晉級賽》搵嚟28位入圍佳麗被安排入住酒店，喺8位師姐領隊包括劉倩婷、朱晨麗、張秀文、馮盈盈及何依婷等帶領下進行Battle賽，早前泳裝亮相時已經淘汰4位佳麗，包括賴彥妤、馬祖雁、朱綽盈、趙美倫，據知又有4位佳麗慘被淘汰，目前只剩20位候選佳麗，大會公布第二輪被淘汰佳麗名單，包括姜嘉琳、陳詩帆、盧淑儀及馬嘉希。

另外一眾佳麗被安排見藝人陳百祥（阿叻），佢今次以導師身份向眾女傳授經驗，當被佳麗應該如何準備問答環節時？佢直言冇得準備：「佢哋想喺當晚表現出你嘅反應，同埋你本身嘅學職同修養，裏面有啲題目你覺得會難為你，但其實唔係，如果問咗條難而你又答得好，有幾個都係答得好絕而贏，係你自己表現自己嘅時候。」