陳豪買樓落晒3個仔女名　陳茵媺冇份？

視帝陳豪出席馬來西亞樓盤展銷會活動，獲大會贈送價值約156萬港元的服務式住宅單位一個，他透露一家五口開支大，不會選擇高風險投資，否則會被太太陳茵媺扭耳仔，自認思想舊派的他，表示所獲贈的單位會作自用，並會傳給下一代，同時亦計劃於當地發展咖啡事業。

育有3個仔女的他，被問投資物業時，是否也要一次過買3個？他說：「唔敢講，落晒3個名囉，大家公平。（咁太太陳茵媺呢？）都有份，屋企有Queen同King，但冇我嘅存在，我只係傭人，哈哈！（業主真係寫晒4個名？）手續搞緊。（邊啲地方有物業？）唔話你知。」

男主外女主內

談到他鍾情保本投資，問到太太可有提供意見？他說：「太太叻投資股票，So Far賺錢方面都幾唔錯，我都穩陣，股票係長揸，有兩、三倍回報先放。（太太係財政大臣？）應該係，我OK，啲人成日講男主外，女主內，屋企係佢打理。」