孖《聲夢》潘靜文主持兒童節目　陳煦凝自嘲身形似小朋友

無綫《聲夢》學員潘靜文成為全新兒童節目《Hands Up》主持，她表示感到開心又榮幸：「入行唔夠1年就有主持工作，但都有一定壓力，當係挑戰自己。（你唔唱歌？）我好想繼續唱歌，但有其他發展機會唔想錯過，對樣樣都有興趣，想多方面發展。（擔唔擔心做咗兒童節目跳唔到出嚟？）都擔心，試吓先，希望有人睇到我，畀多啲機會我。」她稱自己修讀幼兒教育，對小朋友有耐性，對於自己是第一個聲夢學員有長線工作，她也自覺好彩。她除擔任主持外，又要忙於籌備《聲夢》演唱會，她笑言：「忙啲好，我可以爆騷。」

至於港姐陳煦凝亦有份擔任主持，她坦言之前做了《Think Big天地》兩個月，節目便停播：「當時都怕自己失業，可能我個身形同小朋友差唔多，所以畀我留低。」她自言向來說話較快及緊張，做兒童節目主持後變得有耐性及語速減慢，覺得是個很好的訓練。