用6日搞水災籌款騷 謝嘉怡等人捐錢再開金口

2021年07月31日 23:03
東網電視
更多新聞短片
藝人肥媽為河南鄭州早前的水災發起網上慈善演唱會,今晚邀得36位圈中好友包括謝嘉怡、敖嘉年、李樂詩、阮兆祥及黑妹李麗霞等擔任嘉賓,由黃昏6點接力唱到凌晨12點,可謂眾志成城。
肥媽指今次前後只花了6日時間籌備:「我問過電視台同電台,佢哋太忙搞奧運嘞,所以我決定不如自己搞。前後打咗好多電話,個個朋友一聽到都支持,捐錢、唱歌都話冇問題,但時間關係每人只可以唱1首歌咋。」她打趣指謝嘉怡不是歌手,只能到場呼籲,未能開金口再次演唱《上海灘》:「如果真係有人捐錢點唱,我哋可以遲啲搞多次㗎。」
謝嘉怡則透露媽媽將於8月來港,隔離後母女將搵屋搬:「因為依家我住緊嘅地方得1間房,我哋要搵兩間房先得。(爸爸唔返嚟?)佢會返,但唔會留得太耐,佢同肥媽個仔會喺蘇格蘭開餐廳,嚟緊會好忙。」