林志玲送禮為奧運選手打氣　背後原因係…

「台灣第一名模」林志玲同日本組合EXILE成員AKIRA結婚後，已移居日本，但係佢依然心繫台灣，佢早前關心台灣疫情，曾捐贈100箱飲用畀有需要人士。而東京奧運賽事正進行得如火如荼，佢好窩心送上親筆寫卡片同埋小禮物，為一眾中華台北選手打氣。

佢喺卡片上寫上每位選手署名，並寫下：「頑強的意志，堅定的信念，沈穩的步伐，不負淚水和汗水，負重而行，你們的精神，是我們的驕傲，希望你們聽得到，我們愛的掌聲和感動的歡呼，不忘初心，你永遠是最棒的。志玲姐姐。」而一眾選手，包括羽毛球手戴資穎，高爾夫球手徐薇淩等，都有在社交網晒出林志玲送嘅卡片同禮物，並表示多謝。而林志玲透露送卡片同禮物畀參賽選手嘅原因，係因為想彌補冇得去現場為選手打氣嘅遺憾。