許凱被狂迷跟車跟到㷫　扯火鬧：合理嗎？道德嗎？

內地人氣小生許凱近日深受私生飯（狂迷）騷擾，前日（30日）許凱事務部已經發聲明稱，許凱頻頻遭遇代拍、跟拍等騷擾行為，更有甚者尾隨佢入住埋酒店房間門口進行直播，已經嚴重影響許凱正常工作同生活，強烈表示唔支持、唔提倡任何非理性追星行為，仲希望大家共同抵制呢啲行為。

睇嚟聲明效力唔夠，許凱尋日（31日）繼續爆Seed，大鬧粉絲行為過火，令佢忍無可忍：「跟拍、跟車、跟到我的房間門口直播我，合理嗎？道德嗎？​」大批網友都留言撐佢，指粉絲都要尊重番偶像，仲叫許凱要好好保護自己。