湛琪清晒超聲波相宣布懷孕 改BB花名疑一索得男

2021年08月01日 14:09
東網電視
更多新聞短片
汪詩詩表妹湛琪清2019年下嫁名醫之子金承威,今日(1日)她在社交網宣布懷孕喜訊,她晒出多張手持BB超聲波圖並與老公相擁的合照,期間老公輕撫其孕肚,又嘴對嘴獻吻,非常甜蜜。
她留言指2年半前的今日,是她出嫁的大日子,而現在則與老公一同迎接新一個歷險,她又透露BB花名是「Baby King」,似乎暗示今胎佗仔,一索得男!不少圈中好友,包括陳凱琳、陳靜,以及表姐汪詩詩都立即送上恭喜。
湛琪清接受電話訪問時透露現懷孕4、5個月:「真係好開心,好緊張同興奮,頭3個月都未見肚,依家個肚大咗好多,我重咗18磅。(仔定女?)個報告出咗,但我冇睇,我同老公唔想知道住。仔女冇所謂,希望BB係健康同開心。(你寫住係Baby King,暗示係男仔?)唔係,因為我老公姓金,英文係King,我哋叫BB做小金B。」她稱懷孕初時感到非常疲倦,然而老公十分興奮經常相約朋友們一齊食飯:「我食飯食到恰眼瞓,但老公係男人,佢唔知道懷孕係好攰。(有冇妊娠反應?)想作嘔,但嘔唔出,食物口味都唔同咗,以前好鍾意食牛扒,依家見到就想作嘔,最辛苦係要戒飲咖啡。」