唔敢參演！黃芷晴跪求開《大叔的愛》電影版

黃日華女兒黃芷晴與黃德斌今日現身apm活動宣傳商場的電子消費券優惠，芷晴自認貪心，想運用消費券來買吃、護膚品及買電腦。講到工作，她稱主要忙網上的手作生意：「因為天氣唔好，所以我都少咗參加露天巿集，我一出門口就落雨，所以真係唔敢，覺得自己唔係咁好運，所以我都唔冒險。」

另外，最近奧運熱播，她透露有跟爸爸一齊觀看賽事：「我有睇游水、劍擊，我好鍾意睇射擊，會同爸爸一齊討論賽事，我覺得香港隊好犀利，今年攞到3面獎牌，希望佢哋繼續加油。」不過她自言較靜態，不愛做運動：「頭先德斌都有問我有冇行山同跑步，我都唔好意思答佢冇。我都冇陪爸爸行山，因為佢知我咁早起唔到身，我多數好夜先做設計嘅工作。」她又指近日翻睇黃德斌主演的《大叔的愛》，能在活動中見到對方十分開心，笑言要跟對方集郵，問到會否想參演電影版？她坦言：「我做觀眾好啲，佢哋原班人腳原汁原味啲，我跪求開電影版。」