期待另一隊MIRROR誕生　劉威煌想組「老」團

歌手劉威煌應好友揚溢之邀，到九龍灣出席慈善音樂會。揚溢表示今次自己發起演出，目的是為低收入家庭及長者籌款：「同埋希望帶出正能量，等大家逆境自強。人與人之間多啲聯繫，以前我都試過同其他音樂人發生磨擦，但今次我主動打畀佢哋，個個反應都好好，希望大家睇完個騷返屋企，都重新檢討自己同身邊人嘅關係。」

劉威煌早前舉行過網上演唱會，他自言已圓自己心願，暫時未有再開騷的打算，他又指日後會於網上「吸客」：「坦白講我依家買飛，都好多時靠網友支持。」佢又大讚今次揚溢開騷，給予機會其他年青演出者，笑言期待另一隊MIRROR的誕生。問到二人可會考慮「成團」，他們笑指只能組成「Boys Too Old Man」或「Too Late Man」，威煌續說：「我們喺音樂上有合作，但組合就難搞啲，都是各自做啦，合作最重要係好玩同輕鬆。」