索爆阿妹分享童年照　193@ERROR手長腳長唔識笑

男子組合ERROR成員193（郭嘉駿）妹妹郭嘉盈（Michelle）參加了ViuTV節目《全民造星IV》的公開招募，隨即社交網追蹤人數激增，佢都好識做咁分享同哥哥193嘅童年照，雖然就冇標示年齡，不過兩人年紀相差5年，目測193應該8歲左右，而妹妹就4歲左右，細細個嘅193已經生得好高，拍照時要彎低腰遷就妹妹高度！童年時嘅193手長腳長，表情相當正經，仲有啲Cool，毫無笑容，跟依家搞笑形象好唔同，而Michelle挨住哥哥膊頭合照，一睇就知兄妹感情要好。