小春雞被蚊叮到發燒　黎諾懿用呢招氹番老婆

藝人黎諾懿與龔嘉欣出席活動，諾懿談到兒子「小春雞」日前被蚊叮成身，當中耳仔更叮到腫起，他透露當時兒子於室外挖泥，自己則忙於清洗工具，沒想過如此短時間「出事」：「佢成隻耳仔起碼咬咗4、5啖，腫咗兩倍，見佢返入嚟咬到腫晒，個心寒一寒，結果老婆嬲咗我兩日，佢講咩我都話OK，個仔畀蚊叮之後發燒，我照顧佢都兩晚冇覺好瞓。」有了今次教訓，諾懿坦言他日清洗用品應交由女傭姐姐處理，提到正佗第二胎的太太近況，他表示太太預產期是12月初，雖然已知BB性別，但會交由太太公布。

忙住做保母

嘉欣則透露近日忙於做保母，探望好友陳凱琳同時照顧他兩名兒子：「試過一齊接放學，提早感受母親生活，都幾享受，只係等緊對的人出現。」當問到身旁的諾懿可有筍盤介紹？他說：「佢使乜呢，以佢嘅條件唔需要筍盤，只要一開口，啲男仔排到落樓下啦！」逗得嘉欣開懷大笑。