东网电视
更多新闻短片
艺人郑俊弘（Fred）偕老友洪永城（Tony）日前去到沙滩，为由后者所监制的新剧《凶宅清洁师》拍摄落水场口，Tony透露拣选海滩拍摄是因为剧中以水作“黑空间”，连接住人同鬼：“都怀疑呢个沙滩有啲嘢，去过两次拍摄都落大雨拍唔到，Reschedule到呢日先拍到！”而Fred就讲到剧中角色“洪仔”小时候因为遇灵异事件而患上抑鬱症，其后一发作就会被恶魔拉入“黑空间”。
拍摄期间，剧组为营造Fred被恶魔抆脚的感觉，特意租来快艇于海上划分安全领域进行拍摄，兼出动吊威吔组，相当揼本！而Fred落水前亦有做齐所有安全措施，包括着潜水衣打底、背脊加浮板、腰间戴腰封保护等，导演甚至安排蛙人驻场，又有请替身示范动作。
正式拍摄时已是晚上，加上漆黑一片的海面又会突然有急浪，落水可谓难道倍增！不过Fred绝无怯场，非常敬业做足导演所有要求，先凌空跳起再挞落水面，表情扭曲大嗌“救命”，即使海水倒灌入口都冇影响演出！
郑俊弘拍摄落水场口。
真系搏到尽！
嗌晒救命！
小心冻亲！
双手畀Like！
事后“落汤鸡”Fred受访，坦言全晚进出大海起码有半百次，基本上是湿完又乾、乾完又再湿，10只手指早已皱皮：“全剧最剧烈嘅场口喺晒今晚！（饮饱海水？）都系！但啲海水好咸，所以好口渴。（拍之前担唔担心？）我识游水都OK，剧组又唔会叫我哋去太深嘅位，都系扮浸亲，冇特别意外发生，就算有事都会即刻有人落去救我。”
多谢洪永城带挈
而原来今次是Fred处男下海挑战吊威吔，笑问事前有否怕呕绝食？他反说要进食才有体力应对，如此搵命博，可有向监制洪永城及编审C君找晦气？他竟大方多谢二人：“好多谢搵我做呢个角色至真，虽然辛苦，但好享受，我哋成Crew人拍呢套剧都好热血！预咗会开第2季。（早排为《Fight尽》激减18磅，身材会唔会唔连戏？）有几场戏真系特别瘦，依家胀番好多，都连到戏嘅！”
郑俊弘多谢洪永城带挈。
