謝霆鋒教自衞術 薇婭即時「家暴」老公!

20210803
東網電視
更多新聞短片
男神謝霆鋒熱愛武術,日前佢上內地人氣強勁嘅「直播一姐」薇婭嘅直播節目,仲親自教薇婭自衞術,首先佢教對方用摺刀,佢話耍刀就好似轉筆一樣,見到佢好輕鬆就耍到好流暢,但係薇婭就覺得好難,完全耍唔到囉!之後佢就教薇婭打拳,不過事前先做熱身拉筋,見佢好輕易就可以做到一字馬,啲筋夠晒柔軟!
佢做完熱身就換上拳套,先親自示範出拳姿勢,睇到佢出拳動作乾脆利落,拳拳有力打到嘭嘭聲,認真犀利!佢打完一輪之後,就到薇婭上場,佢先教薇婭點樣可以揸實拳頭,同埋出拳嘅正確姿勢同角度等,相當認真,又窩心叫薇婭小心扭傷手腕,網友都話想有個好似佢咁嘅拳擊教練呀!而薇婭都不負霆鋒所望,一拳打到人彈開,不過呢個只係節目效果,因為做佢「人肉沙包」嘅其實係佢老公董海峰,梗係交晒戲,不愧為圈中模範夫妻!