咁都得系列︱阿嬌等飛機「採礦」？網友力讚：夠自然！

藝人鍾欣潼（阿嬌）長期留喺內地工作，工作浪接浪，自然就要穿州過省周圍去，日前有網民喺上海浦東機場成功捕獲到佢。

網民話阿嬌同佢一樣係飛去湛江，而阿嬌同其他旅客一齊坐喺候機室，完全冇理會其他旅客嘅目光，非常專心做「低頭族」玩手機，仲網晒咗阿嬌嘅相！不過，另外有網民發現，其中一張相係影住阿嬌「採礦」挖鼻，仲話佢公然咁做，唔係咁好睇！

嗰位捕獲到阿嬌嘅網民，立即幫阿嬌「洗白」，話阿嬌當時係用紙巾嚟抹鼻涕，成個過程好斯文，一啲肉酸感覺都冇！之後有唔少網民都話，身為女神嘅阿嬌，連抹鼻涕都特別靚過人，仲話夠自然親民，夠pure夠true，完全唔會恃住係偶像而扮嘢，仲話佢比之前瘦咗好多！