港普男神破食戒︱關智斌思鄉病發作 食咗先講!

20210803
東網電視
更多新聞短片
近年主力北上發展嘅男神關智斌(Kenny)愈撈愈掂,話咁快就賺咗幾層樓返嚟,不過就算喺內地市場搵幾多都好,都有思鄉嘅時候,為咗慰藉呢顆離家嘅空虛心靈,Keep緊Fit嘅佢,決定放縱一次咁多,走咗去北京一間港式茶餐廳喪食,重拾香港嘅味道!
一係唔做,一係做到盡!Kenny今次破戒,真係唔肥唔食,一口氣點咗檸檬茶、炸醬麵、牛奶蛋糕、叉燒、黯然銷魂飯、脆豆腐、仲有燒鵝,啱啱7樣嘢實行「食七咁食」。最攞命,係全部都係高脂肪、高糖、高熱量嘅邪惡食物,不過Kenny似乎已經被魔鬼食神佔據咗理智,一於食咗先算!
身為港普男神嘅佢,點餐時將燒鵝講錯成「削鵝」,但一啲都唔面紅,仲食家上身評論:「在這裏常常都是吃烤鴨多一點。」之後佢將舊肥鵝蘸甜酸醬再送入口,再自我催眠話:「香港的比較油,這個比較乾一點,可能北京天氣比較乾燥,油分都被蒸發了,感覺比較沒有那麼胖。」佢自己講完,都忍唔住笑,之後再大啖食炸醬麵,仲食得好開心,唔知第二日發覺肥咗幾磅,會唔會早知今日,何必當初?