鄧穎堯囝囝百日宴！余香凝為囡囡揀定老公

藝人余香凝與好友鄧穎堯同期生B，呢日鄧穎堯為細仔Andreas大搞百日派對，余香凝就帶埋老公及囡囡Clare到場一同狂歡，見兩個BB坐埋一齊合照，期間Clare更挨向Andreas膊頭，十足一對小情人一樣，而余香凝更一早「開綠燈」，對呢位「未來女婿」非常滿意，笑指：「對我個女好啲呀，知唔知？」同場仲有即將成為人妻嘅好友陳詩欣，3女齊齊攜眷出席，影大合照時，余香凝及鄧穎堯都抱住BB，獨欠陳詩欣一個，令余香凝都忍唔住「催生」：「差咁啲嘢，我相信係不久嘅將來。」