「8億女王」迪麗熱巴搶風頭　累白鹿新劇仆直？

內地當紅花旦迪麗熱巴夥拍內地男神楊洋嘅劇集《你是我的榮耀》點擊破8億，點知就被「機友」爆料原來部劇同某電玩遊戲合作，播放平台為谷爆播放量就要玩家喺打機時睇劇5分鐘，即被質疑「篤數」。雖然係咁，但套劇嘅風頭喺內地一時無兩，劇集一出就直接登頂，成為今年網劇最快破紀錄嘅現代劇，就連劇中出現過嘅電子遊戲都成為熱門Game！

原來另一邊廂，由白鹿、王一哲領銜主演嘅新劇《玉樓春》都係差不多時間播出，但一直無人提及，網友狂踩該劇男主角王一哲唔夠靚仔，又唔夠溫潤如玉，容貌冇記憶點又冇演技，加上劇情似係「集百家之大成」，同《你》形成強烈對比，仆直收場。