周星馳拍戲拍到幾時？星女郎爆料震驚網民

網上有句說話「一年一影帝，百年周星馳」，周星馳（星爺）過往嘅作品至今都不斷翻Loop再翻Loop，電影對白仲成為唔少金句及「預言」，令人津津樂道！

不過佢近年甚少大作最多都係為網絡電影擔任監製，但唔好以為佢想退休，事關曾與星爺合作《新喜劇之王》嘅內地女星鄂靖文，喺訪問中大爆曾問對方：「星爺，拍戲、拍電影這麼累，你打算拍到啥（甚麼）時候？」佢話當時星爺正低頭食飯，但一聽到呢個問題，即時放低筷子望住佢：「我打算拍到死！」令鄂靖文深深感受到星爺嘅堅定，感到非常佩服，仲回敬對方：「那我也演到死！」