羅子溢陪囡囡睇圖書　網民錯重點：會唔會太靚仔

藝人羅子溢自從榮升爸爸後，社交網都係同「前世情人」小珍珠嘅相，圈中出名廿四孝爸爸嘅佢，一有時間就會陪囡囡，呢日佢就同囡囡一齊睇圖書作為親子活動，小珍珠雖然年紀細細，但對圖書都好有興趣，眼仔望到啲圖畫實一實，羅子溢就留言話：「心心最鍾意聽音樂同睇書，依家可以同囡囡一齊聽歌仔、睇書仔，等我哋喺囡囡嘅成長過程中，可以一齊學習一齊遊戲！」但係網民就錯重點，大讚做咗爸爸嘅子溢仍然好靚仔「嘩～呢位爸爸會唔會太靚仔」、「當了爸爸依然那麼帥！」