結婚2周年公布喜訊！朱千雪同老公「滾」住浪漫

前港姐亞軍朱千雪2019年結婚，去年佢喺紀婚紀念日（8月3日）都會喺社交網晒出靚相回味，而今年都唔例外！佢晒出同老公Justin坐喺台下嘅相，仲公布好消息，不過唔係佢有喜，而係話發現依家嘅體重同當時結婚一樣！相中嘅佢含情脈脈，同老公望向同一方向，唔知當時睇緊咩咁入神呢？

雖然係結婚周年，不過佢冇大肆慶祝，反而速遞打邊爐，簡簡單單同老公喺屋企「滾」，不過Justin都好識做，見枱上有束紅玫瑰，平淡得嚟又浪漫！而一班好姊妹及圈中人包括岑杏賢、趙希洛、陳茵媺及蔡思貝等都送上祝福！