唱《情人》唱錯歌詞！楊千嬅上內地騷一身黑似石內卜

歌手楊千嬅最近密密喺內地吸金，有指佢短短幾個月已吸2千萬元，認真唔講得笑。喺內地被封為「行走CD」嘅佢，最近上音樂節目《誰是寶藏歌手》，同內地歌手陳楚生合唱《情人》，官方上載影片時，讚千嬅係「神級粵語」，為佢臉上貼金！

今次由千嬅先唱，第一句歌詞原為「盼望你沒有為我又再度暗中淌淚」，不過千嬅就甩轆，將歌詞變咗「盼望你別要為我又再度暗中淌淚」，不過佢似乎對自己表現相當滿意，又話：「一首經典的情歌，往往會在平行時空裏，隱藏着無數知音人的故事回憶，每次聽到旋律響起，便會不約而同觸碰到感性之處。這就是音樂的魅力，遇上好的舞台夥伴，是一種緣分，一種有意義的演出經驗。感謝你們喜歡亦感謝楚生的信任，感謝馮翰銘老師精彩編曲。」

除唱錯歌詞，亦網友對千嬅的全黑造型亦有微言，笑佢似石內卜，而因化妝太厚粉，話佢同盧宛茵撞樣添！