手機壞咗!Anson Lo失聯近24小時 貼心交代俘虜粉絲心

2021年08月05日 11:02
東網電視
更多新聞短片
人氣男團MIRROR成員「教主」Anson Lo(盧瀚霆)昨日(4日)電話突然開唔到機,被迫同一眾「神徒」失聯,佢知道一班「神徒」一定擔心死,所以佢即刻返屋企用舊電話登入社交網交代:「我的電話在昨晚大約9:30pm,完全開啟不到畫面,回家轉了舊電話又無法登入Instagram account,今日工作後會去修理~希望一切順利!工作上找我的,麻煩聯絡公司了,你們找我的,在這裏留言告訴我吧~」貼心嘅暖男舉動,令到一眾「神徒」又驚又喜,大讚「教主」有交帶,大叫「前夫」同「exbf」學嘢!
雖然「教主」已經清楚交代「失聯」原因,但一眾「神徒」仍然好擔心,不停留言話「very miss u!!babe !! 」、「好掛住你!」、「擔心到瞓唔到覺」成個社交網呼天搶地,要生要死!不過都有「教徒」就搞笑問「係咪炒飯炒爆咗個電話」?
相隔二十幾個小時,「教主」電話已經修復,佢第一時間發文,以免粉絲擔心:「I'm back! 👶🏻你們好嗎?大概在Instagram消失了接近24小時,察覺到的想跟你說聲讓你擔心了,察覺不到的就當我慰問一下你今天過得好嗎~?#辛苦所有工作人員幫忙復修#復修完畢第一時間回覆工作短訊#第二時間就是發這張照片」一眾「神徒」即刻個心定晒。「教主」圈粉真係有原因,教人如何可以不愛他呢?