做星二代有困擾！周華健仔仔爆背後原因嘆無法改變

歌手周華健嘅混血仔仔周厚安備受關注，身為星二代嘅佢自細活在鎂光燈下，最近兩父子一同拍攝綜藝節目《念念青春》，周厚安被張艾嘉問到做星二代係咪有包袱，佢直言的確令佢有不少困擾，更喺爸爸面前講出背後原因！

佢認為呢個身份對佢嘅人際關係上有影響，因為陌生人知道佢係周華健個仔，莫名其妙就會對佢有好感，縮短人與人之間嘅距離，但唔係靠自己努力得來：「不是你自己的互動，不是因為你的個性，因為你的故事，因為你的經驗，而達成的一個友誼…」不過佢坦言無法改變：「可是這個就是一出生就有的！」而張艾嘉亦透露自己小朋友都唔想人哋知道佢哋嘅媽媽係張艾嘉！