周旋張杰魏大勛？趙麗穎「三張幾」扮學生零違和感

內地「千億點擊女王」趙麗穎自離婚後寄情工作，繼早前為綜藝節目《中餐廳》第5季開工，近日佢更正式宣布將驚喜演出歌手張杰新歌《值得更好的》MV，與張杰、楊冪緋聞男友魏大勛上演校園青春故事，甚少演出MV嘅佢，亦係自2017年與吳亦凡合唱歌曲《想你》後，相隔4年再次擔任MV女主角，令唔少粉絲直呼期待。

日前，MV率先公開封面相及劇集，見3位主角齊齊着上校服，雖然3人均超過30歲，但依然Keep住童顏，扮演中學生時一樣零違和。其中一張相趙麗穎企喺白色窗簾前，喺日光影射下做出放飛機嘅動作，散發仙氣且少女味十足，即獲網友大讚絕對係「最美校花」！