奧運乒乓女團金牌　孫穎莎原來係周杰倫粉絲

東京奧運已接近尾聲，大部分項目都已經圓滿結束，中國女乒乓球手孫穎莎，喺女單決賽輸咗畀黃曉明表妹陳夢，只係得銀牌，到咗日前佢與陳夢、王曼昱等隊友，成功於女子乒乓團體賽勝出，終於一圓金牌夢！

現年20歲嘅孫穎莎接受訪問時，佢話私下好鍾意玩，嘻嘻哈哈咁過日子，但係上到場就被教練要求表現成熟，形成好大嘅反差萌！佢仲話自己係台灣天王周杰倫粉絲，佢由於每次比賽前，都會想令自己有稍微「動起來」嘅感覺，調節一下自己嘅節奏，佢就會想聽周杰倫嘅歌，因為佢覺得周杰倫嘅歌夠晒High！

而作為中國乒乓隊年輕一代嘅佢，認為自己打球嘅力量，就係嚟自於佢嘅偶像，包括中國乒乓球名將李曉霞、張繼科等，佢希望擁有印有自己個名嘅國家隊球衣，結果佢依家都成功咗啦！