資深演員高雄淪落做助手？為「一姐」周潔瓊擔遮網民嘆心酸

現年73歲嘅資深演員高雄（原名：何耀深）曾拍攝多套經典劇集《精武門》、《倚天屠龍記》、《天龍八部》、《新紮師兄1988》等，1996年全家移民溫哥華，但佢未有放棄演藝事業，近年回流返內地發展，雖然年屆70，但身形依然結實、保養得宜，最近參演由人氣小花、韓團女團PRISTIN唯一中國成員周潔瓊及茅子俊主演新劇《明月入卿懷》，一眾演員現身在橫店拍攝。

近日劇組進行開鏡儀式，有網友發現高雄竟然要為女主角周潔瓊擔遮，而女方卻表現冷淡，唔少網民對此舉感到心酸，大嘆老戲骨竟然要為年輕後輩做「助手」擔遮。當大家指罵周潔瓊唔懂事，原來事實係女方主動為高雄擔遮先，高雄盡顯紳士風度先提出擔遮，期間二人言談甚歡，活動完結後唔少人要求向高雄集郵，人氣依然喺度！近年有網友亦喺港鐵野生捕獲佢，雖然留有一頭白髮及白鬚，但仍獲網友大讚好有氣質。