【眾星狂賀】李慧詩勇奪奧運銅牌　麥明詩：踩5圈已想死

「牛下女車神」李慧詩喺東京奧運女子爭先賽奪得銅牌，再為香港爭光，全城狂賀，為港隊喺奧運上寫下光輝歷史。一眾香港藝人都喺網上隔空祝賀，包括張繼聰、余香凝、連詩雅等都上載照片恭喜對方，姚子羚就發文：「恭喜李慧詩在最後一天的奧運為港隊劃上完美句號！」而身在東京採訪嘅「集郵王」方力申都相當興奮，睇住電視支持李慧詩，當見到對方成績贏得銅牌，狂嗌：「Yes Yes！She got it！」連佢事後都笑自己「興奮時，我講咗英文！I'm so international...may be I'm in Tokyo? Haha..」

而2019年曾展開跨國單車之旅嘅10A港姐麥明詩，尋日（7日）就上載2016年喺里約奧運同李慧詩嘅合照及喺練習場練車片段，留言：「其實超級超級攰（因為一定要保持速度先確保唔會跌落嚟)同埋幾驚，連續踩了5個圈已經覺得想死呢排睇電視，有時見到啲運動員踩幾踩就輕鬆一個圈… 其實自己試過係勁辛苦? anyway 重點係… 李慧詩真係超級勁！」