黃翠如拍《七公主》太入戲 極速減10磅肥唔番

2021年08月08日 16:20
東網電視
更多新聞短片
黃翠如為拍劇極速減10磅。
香港劍擊隊成員張家朗於東京奧運獲得金牌後,除了令港人相當振奮,連帶以劍擊為主題的無綫新劇《七公主》也食正熱潮,提早於明日(9日)播出,劇集除了有劍擊情節向香港運動員致敬外,還有不少破格劇情,以另類手法帶出熱血勵志信息。為了令角色人物更突出,監製陳維冠(Joe)與黃翠如商量,望她減10磅配合強悍律師角色之餘,還激勵了衛志豪(Michael)操肌,以鋼條身形客串登場。
向來身形纖瘦的翠如為此刻意控制飲食,最終於短時間內達標減掉10磅:「嗰時大家好奇我點解突然之間瘦咗咁多,好關心我。呢套劇都幾大挑戰,因為角色成日都要板起塊面,唔知係咪太入戲,拍到後期我都係一直瘦,有一段時間肥唔番,好彩依家已經回復番正常體重。」
苦練鋼條身形
而Michael則表示今次狂減20磅苦練鋼條身形,雖然平日也有健身習慣,但為了拍劇效果,節食兼操肌情況下,3個月內勁減20磅,但他呼籲大家沒有專人指導下切勿仿傚:「嗰時主要一日食一餐,兩隻去皮雞髀加飯,同埋推晒所有飯局。至少隔日去Gym操一操,每次兩、三個鐘,主要係舉重、推胸、推背、手瓜、二頭同三頭肌,最後再加跑步。」更指原本只有第一場戲需要剝衫,但因導演及監製不想浪費他的操肌成果,臨時決定餘下的兩場戲也讓其赤膊上陣,對Michael來說絕對是意外收鑊。