勁減38磅！麥皓兒谷事業線床戰丘梓謙

藝人麥皓兒（Cayley）圓夢做歌手成今年新人，今日（8日）為國語新歌《愛就愛》兼英文版《Bad Girl》拍攝MV，以性感Bad Girl造型上陣，勁減38磅晒3吋事業線、纖腰、長腿，雙手同大腿位置又貼滿假紋身，她更邀請男友丘梓謙擔任男主角，情侶檔上演撫摸床戲！

Cayley受訪時坦言對出新歌期待已久，希望可以跳出乖乖女框框，帶出一個全新形象：「聽到首歌嘅Demo已經好鍾意，覺得好入腦，節奏又比較輕快，唱Live特別有感染力，歌意係講做番自己，愛得灑脫，愛係冇分界限。」自爆為MV拍攝獻出多個第一次，如性感衣着、戴彩色隱形眼鏡、假紋身、漂染頭髮等，新造型富新鮮。問到男友可有讚靚？她冧笑話：「佢對我肥、瘦都覺得冇分別。（佢做男主角係咪因為唔想你同其他男仔有接觸？）唔知呢！但我諗佢係嚟幫我，大家互相支持，咁佢有機會拍劇嘅時候，都可能會同其他女同事有感情戲，一入角色就係專業，我都會好支持佢。（點報答男友？）煮餐飯畀佢食！佢都鍾意食嘢。」