羅志祥暗示復出：我會努力回到原本的位置！

曾經嘅台灣天王羅志祥（小豬）因為桃色風波，陷入低潮，相反佢嘅舊愛周揚青就有新戀情，同新歡富二代羅昊打得火熱，仲一齊上綜藝節目，人氣高企！桃色風波相隔近一年，小豬不時更新社交網試吓水溫，尋日佢就喺內地社交網同粉絲互動，有粉絲喺社交網上傳影片幫佢打氣，小豬睇到都覺得好感動，即時留言：「謝謝你，我看到了！」佢之後仲承諾粉絲：「我不會不見，給我點時間，我會努力回到我原本的位置！因為還有你們。」睇嚟暗示會復出！

小豬鬥志高昂，但有網友就唔多Buy，繼續出口插多幾句，話佢所講嘅「原本位置」，係啱啱出道時嘅Nobody，即係打回原形咁話喎！