林家謙打一年打一次最勁嘅機　咩機先？

由林家謙、姜濤、柳應廷（Jer）及Tyson Yoshi合作的《拉闊音樂會》發布「快問快答- 林家謙篇」，林家謙面對二選一的決擇時變身冷面笑匠，令身邊的的姜濤、Jer和Tyson Yoshi哭笑不得。

他首先被問到想變肥但靚仔，還是Fit但樣衰？他表示：「梗係肥但靚仔啦！好似姜濤細個咁。」又指寧願「甩beat」都不願意甩頭髮：「反正我一向唱歌都甩beat㗎啦。」問到寧願揀日日打機但好廢，還是一年打一次機但超勁？他毫不猶疑地回答：「一年打一次但係超勁嘅。」Jer大笑追問：「打咩？」他立即面紅尷尬地說：「嘩！我驚畀人無限key咗其他嘢。」Tyson Yoshi即失笑說：「哈哈！我已經諗到可以點樣無限key啦！」最後被問寧願揀同Serrini做組合，還是退出樂壇？他笑言：「咁我揀同Serrini做組合啦，佢冇咁大影響力要我揀退出樂壇。」