胡子彤揭運動員辛酸:輸咗要面對乜壓力!

20210810
東網電視
更多新聞短片
1
藝人胡子彤、鍾雪瑩及馮皓揚早前接受訪問,宣傳電影《媽媽的神奇小子》,電影講述殘奧金牌得主蘇樺偉的奮鬥歷程。首次拍電影,戲中飾演少年版蘇樺偉的馮皓揚,演技獲外界一致讚賞,他坦言其實仍未滿意自己表現:「跑步或努力層面嘅我點都可以搞得掂,但演技方面我一直都好擔心,好多時喺片場會好迷惘,唔知自己演繹方式啱唔啱。」由試鏡至正式開拍,中間只有約一個月時間預備,同時要兼顧學業的他只好盡量抽時間練習:「都幾趕吓,始終呢個角色對我係唔簡單挑戰,有時返學去廁所會對住塊鏡練表情,補習前後又會搵機會練。」
運動員風光背後付出好多
胡子彤指今次係活生生發生喺香港嘅故事,他說:「蘇樺偉先生同蘇媽媽經歷咗啲嘢,去話畀大家聽幾艱難都好,你堅持就會Work,同埋適逢奧運上映,港隊運動員攞到獎牌,大家可能只見到佢哋風光一面,但呢套電影正正令大家睇到運動員風光背後其實付出咗好多,佢哋輸咗要面對乜嘢壓力,大家有冇設身處地去了解,運動絕對唔係熱潮,佢哋由決定做運動員嗰刻已經開始好努力,只不過有冇機會畀大家知道佢努力嘅一面,我自己係運動員出身所以感受好深,呢個精神其實可以套用喺任何行業,決定行嗰條路就已經開始付出緊。」他又稱讚馮皓揚醒目努力,做得好好。
鍾雪瑩為今次演出增磅,她說:「導演本身預咗個角色係一個肥妹,但比較後期先決定由我演,雖然冇話要增幾多,但得返好少時間預備,用咗大約三個星期增咗14公斤。(點樣增法?)一開始每日飲7杯奶昔,瞓覺前再食2枝甜筒,但維持個幾禮拜身體頂唔順開始發燒,咁好番之後我就轉另一個方法,每2日食一大包沙琪瑪,總之一有機會就食。」她坦言現在見到奶昔同沙琪瑪都怕怕。