心心眼！《3日2夜》女神鍾晴谷胸騷胳肋底滲女人味

憑無綫旅遊節目《3日2夜》彈起嘅女神鍾晴，有樣有身材，不時於社交網派福利圖，好識安慰粉絲。近日佢着上馬甲款式嘅婚紗影靚相，谷胸影大頭shot，更於鏡頭前擺出「騷胳肋底」嘅甫士，配合迷人電眼，相當誘人。今次拍攝佢罕有以特濃眼妝上陣，同平日仙氣十足嘅鍾晴好唔同，唔少網民大讚呢一面嘅佢滲透女人味，成熟不少。

鍾晴受訪時表示：「其實我冇諗過呢一輯相咁大迴響㗎，好多謝你哋個個都讚，我自己影呢一輯相嘅原意係想畀大家睇吓，原來鍾晴都有另一面，但都有好多唔同意見嘅，有啲人就話太濃妝，咁但係我覺得可以有唔同一面，因為呢一個我同平時嘅我都有啲新鮮感，最緊要畀到大家驚喜！」