孫儷失憶忘記《甄嬛傳》劇情　投入到被呢幕嚇一跳

內地女星孫儷向來活躍於社交網，不時分享日常瑣碎事，呢日佢突然自爆有「失憶症」！事緣近日內地重播清宮劇《甄嬛傳》，主演嘅佢亦有趁做運動時收看，仲睇得非常投入，佢指：「早上在跑步機上跑步，打開電視機，推送的節目是甄嬛傳，我就很有興致的看了起來...當我正看得津津有味的時候，皇上打了甄嬛一個大耳光，我差點沒從跑步機上掉下來，把我嚇了一跳。」

但其實飾演「甄嬛」嘅正正係佢本人，但佢竟然完全唔記得劇情，佢笑指：「我後來認真想了一下，不對呀，這個戲裏的人是我呀，我演的呀，我是知道情節的呀，怎麽還會被嚇一跳呢？」又自嘲「我是有多健忘」。