10年經驗！莊思敏自爆試過網購鑽石

藝人莊思敏、楊玉梅為購物節目做直播，楊玉梅笑言把首次做KOL直播帶貨的經驗送給對方，莊思敏即笑言要封返利是給她。楊玉梅又透露常常網購：「因為好方便，又平，最多試過一次過買成萬蚊食物同護膚品，因為冇得去旅行，就將去旅行嘅錢慳番嚟網購氹自己開心。」

莊思敏笑言這10年來網購花了很多錢，又試過上網買鑽石，但自爆有網購被騙的經驗：「我嗰次買個摺得埋嘅電子琴，但點知送咗個3歲小朋友玩嘅琴嚟，貨不對辦，所以我就投訴，好彩物流公司有保險賠番。（老公有冇叫你唔好買咁多嘢？）佢唔會阻止我，因為我依家適可而止嘅。」工作方面，莊思敏透露10月會拍新劇及電影，8、9月就休息，正值中秋，是帶貨的好時機，又坦言直播帶貨是收入之一，因疫情少了很多工作。