「爵屎」花10萬全院包場撐　Edan冧豬突擊引尖叫

人氣男團MIRROR成員Edan（呂爵安）最近為一部動畫配音，佢嘅粉絲「爵屎」為撐男神，原來後援會斥資10萬元左右包咗8場，大概1,200人入場，真係聽到都覺得佢哋有心，不過講到最Surprise，原來喺慈善首映禮當日，Edan出席完活動都冇走人，佢連走至幾場謝票，仲每一個院都同粉絲大合照，真係暖男！

見佢晒出嘅片段中，佢未入場已經勁興奮，擺晒助跑姿勢，一開門佢就應聲彈出，全場「爵屎」即刻尖叫大嗌，閃光燈影不停，更加有人激動落淚，估唔到睇套動畫都可以咁有激情，現場哄動。