姜濤要錢唔要愛：有錢唔驚冇人愛！

人氣王姜濤下月將聯同音樂才子林家謙、柳應廷（Jer）及Rapper Tyson Yoshi攜手舉行拉闊音樂會，音樂會以「風火雷電」為主題，四人代表着「風、火、雷、電」四大元素，在新一輪宣傳影片中，姜濤接受「快問快答」挑戰。

曾被爆拍攝真人騷節目期間不停狂食的姜濤，被問到「想唱到鍾意嘅歌，還是食到好味嘅嘢？」他直言：「我揀食到好味嘅嘢。」面對「打邊爐與食buffet」二選一時，他更堅定回答：「打邊爐！」當被問「寧願揀有無限嘅愛，還是使唔晒嘅錢？」他笑說：「我要使唔哂嘅錢，我有錢唔驚冇人愛。」令鏡頭外的經理人花姐聞言大叫：「喂呀！」姜濤笑着回應花姐說：「哈哈！你話係咪先！」同場的Jer、Tyson Yoshi和林家謙一齊捧腹大笑。

姜濤表示在「快歌與慢歌」選擇中，他會選擇快歌並希望以舞王作為自己的目標。最後被問「想拎男歌手金獎，還是拎我最喜愛的男歌手？」林家謙打趣說：「Why not both？」姜濤笑言：「我揀我最喜愛的男歌手！」