《披荊斬棘的哥哥》勁黑仔　2藝人表演極速下架

內地綜藝節目《披荊斬棘的哥哥》雲集33位中港台男神，可惜有頭威冇尾勢，尋日（12日）先開播，點知就接二連三有藝人出事，令網友笑言節目應該改名做《負荊請罪的哥哥》。當中就有憑《我愛台妹》一曲成名嘅台灣饒舌歌手MC HotDog，佢因為曾自爆沉迷不良行為兩年，每周更要「叉電」兩次之多，又與多位女友未婚生子，加上佢曾表示「跟歌迷上床是我回饋歌迷的方式」、「我常跟不同女生生小孩」，被網友指控係劣跡藝人要求封殺，即被中國文化管理協會網絡文化工委發文要求調查事件是否屬實，而《哥哥》節目組就即時將對方嘅Solo表演下架，不過今日（13日）又被發現近中午時間又俏俏再上架。

而另一位表演被下架嘅就係最近成為「吳亦凡2.0」嘅歌手霍尊，佢被拍拖9年前女友大爆渣男行為，仲放出霍尊私下喪鬧《哥哥》節目參加者係垃圾嘅對話截圖，嚇到節目組急發聲明指霍尊已退出節目，並剷走對方嘅表演片段。