《流星花园》开始不和　言承旭大S破冰首“合体”

台湾男神言承旭最近现身《披荆斩棘的哥哥》，第一集佢又再唱番佢F4时期嘅首本名曲《流星雨》，令粉丝嘅回忆N次涌现，不过今次节目组就为佢搞搞新意思，竟然搵嚟当年同佢合作爆红台剧《流星花园》嘅女主角“杉菜”徐熙媛（大S），作为佢爆出婚变后首次“现身”！

44岁言承旭系今次节目中较为有睇头嘅参赛艺人，佢忽然听到大会播出大S献声嘅打气说话，大S一开口就兴奋大嗌：“道明寺，我是你的杉菜！”佢就直言以前两个人拍剧时动不动就互相“耍别扭（有争拗）”，当时就认为对方系一个“高深莫测的死小孩”，依家反而变成一个大哥哥，比以前开朗、有魅力：“你是我人生中第一个男主角…道明寺，杉菜永远都在！”明显透露出两人已冰释前嫌。

当年爆红后，二人一直传出不和，心直口快嘅大S更曾喺媒体前大闹：“言承旭真的很怪，根本无法和他相处，也不想再合作！”又爆料言承旭成日都无端端发脾气，令佢觉得无法好好相处，分道扬镳足足20年，到依家先再次“合体”。