10個月10部戲！彭皓鋒做頭號反派：大陸仲多人識我

藝人彭皓鋒今日現身代言活動，他透露早前在內地逗留了10個月拍了10部網大，當中包括6部主演，4部客串，成績可觀：「平均1個月1部，中間仲攝到時間登台。（疫情冇影響工作？）開頭有影響，有啲登台同拍攝都取消咗，但訂就收咗。對我嚟講算好彩，受疫情影響唔大，工作量仲多過之前。（嚟緊會唔會再返內地？）想，但依家內地又爆疫情，好多演出都唔批。」

他透露正接洽一部電影及無綫劇：「我同無綫合作係部頭性質，每年都會拍一部。（離開無綫發展好咗？）係際遇，香港人識我嘅唔多，反而大陸仲多人識我，我喺內地拍劇都係做反派一號，比較主要嘅角色。」