馬浚偉唔止同張家朗撞樣　自爆同呢位金牌運動員係「孖兄弟」

藝人馬浚偉今午（14日）以殘奧共融大使身份出席電台活動，為即將出戰2020東京殘奧的港將打氣。有指他與「少年劍神」張家朗撞樣，他打趣回應：「唔止呀，仲有馬龍（中國乒乓球運動員）添，哈哈！能夠跟兩位金牌運動員撞樣，我覺得好光榮，多謝多謝。」

熱愛羽毛球的他近期亦秘密練兵，苦練男子羽毛球單打，他説：「我已經約好咗陳浩源（殘奧羽毛球港隊代表），等佢去完殘奧返嚟同我打兩板。（勝算高唔高？）梗係冇啦，哈哈！點練都唔及職業運動員嘅水平，我係唔怕輸嘅人，我有句口頭禪『我好鍾意贏，但我唔怕輸』。」他指圈中不乏好波之人：「伊健、阿Lo（林曉峰）、趙增熹同Eric Kwok都打得唔錯，（你覺得自己圈內排第幾？）我唔會太過謙虛，頭五名啦，我都打得唔錯㗎。」