疫境冇工開！袁嘉敏踩過畀去畫廊返工

藝人袁嘉敏（Candy）疫情前生活多姿多采，不停到內地走埠登台，又拍戲搵真銀，可是疫情為其生活帶來重大轉變，她最近竟踩過藝術界賣畫！日前下午，她到銅鑼灣一間畫廊返工，由於是下午時間，顧客不算多，但她亦顯得相當忙碌，一邊打電話聯絡客人，又行來行去用手機拍攝畫作推介給顧客，雖然踢腳，但相當有幹勁。

對於到畫廊上班，大學修讀藝術的她回應指數月前，獲友人邀請擔任畫廊的藝術顧問。談到是否因疫情關係令不少內地工作暫停？她說：「由第一波疫情開始就冇返去登台，一直等緊唔使隔離，等到依家，其實依家每個月都有3、4個活動搵我返去登台，但係時間串連唔到，就唔值得上去隔離咁耐。」

強調唔係轉行

在畫廊工作了數月，她事前更專承修讀一個藝術管家課程，惟她強調並不是轉行，不會放棄演藝工作，只是希望作新嘗試，而目前亦有電影及節目斟洽中。問靚女賣畫是否容易一點？她說：「都唔係㗎！暫時啲客都係鍾意啲畫多過我，都有啲意外，哈哈！（有冇客人藉睇畫追求你？）佢哋雙眼發光，不過係望住啲畫！」